Buleh pon dhere benni searobe dheking
Aleyep dettih sokma setalempet delem dhede
Meddhel norok buntek ealok tasek ditemor pajjer
Derih berek dejeh tor benne gunung pejjuden
Naleka kakdintoh malem pas atareak akarongan
Tedungah pon tak ngeddeh pole
Deri bennyakna rengngek se ngekkek
Tapongkor sakonek tak abit koseh bektoh
Saampon padjer lakkuh nyonar mataarenah deri temor
Adduu..!!!!
Sengngakna amisal apoy esolet ngangkui mardeh
Maangak tor pas ngellok kakolekna tokang lajer
Tak araop kana ngalak jering asandeng sarong
Ben pamittan terros landuk se kik tak ekengseh
Karna anakna pon mangkatah ka madrasah
Kanjeng ebuh sekik ngelloteh amper sekik tak perse
Pon ayapsiap kadeporah massoanah kobejen sekik tak ekorae
Macellep nasek seetamen deri padih ben cekung
Marongkinah kik tak massak saengkeh nantos
Esettikna tomang kik benne dedtih abuh
Akher careta..!!
Sadejenah epakompol tor eparengkes
Ebeddeih empenan selastare etampe neg esokonan
Eparangkoh akatih rasa estoh, kaseh sanajjenah sayang
Tak marduli jarak kaangkui maleppas taresna
Cokop seddeng abitteh kerrong se pon tak buambu
Sakakdintoh tolesan se aberna celleng sebedeh diattasennah
Telubeng pote seakot pelkot karna taleppet
Rassa epon kauleh bedeh epangkuennah ajunan pole Ebuh
sumenep:10.02.2014/01:26
0 komentar:
Posting Komentar